سعودي يروي قصته مع زوجته “ الطريفة جداً ” لدرجة انه لا يريدها !

قصة زواج

شاب سعودي يروي قصتة الغريبة مع زوجته التي يقول بأنها طريفة وكوميدية أكثر من اللازم وفي تفاصيل القصة يقول الشاب :

انا عمري 34 لدي اربعه اطفال وزوجتي 28 سنه كل سنه تجي اقول زوجتي تبي تعقل والله انها تنهبل زياده عقلها خفيف غير ناضج خلاص متى تكبر وتعقل وتثقل انا صراحه استسلمت وقلت اطق عليها ثانيه خليها تعرف ان الله حق وهي ولا عندها انسانه من كوكب ثاني اضرب لكم امثله صداها لا يذهب عن بالي وتحملوني يا اعضاء لاني ابفصل المشكله.

اذاضحكت ياليتها تضحك مثل الخلق لا ضحكتها موحده وهي نياهاهاه وبصوت عالي…. اذا جت تكلمني وتدري اني بجتماع رجال او كنت معزوم وش تسوي تتصل و تقول ابوووك يالثقل ياهوووه يالرسمي امووت انا على الي مسوي فيها ثقيل وتضحك بعدين تكلمني كلام جنسي وتضحك تقول اتحداك ترد علي وبعدها نياهاهاها انا انحرررج قدام العالم اسكرها وهي تتكلم خلاص انا اذا صرت بجتماع مهم استحاله ارد عليها المشكله ترسل رسايل ابيك ضروري جدا جدا بسررررعه لازم تدري قبل الظهر ترووعني واذا رديت على طول نياهاهاها جيت للبيت وضربتها وصلت حدي قلت لها وقت الجد جد وقت المزح مزح وانا اضرب فيها تلمسني وتسوي نفسها دايخه اعطيها طراق تمسك يدي وتبوسها انسانه غريبه هجرتها ورحت غرفه ثانيه ما ادري الى هي لازقه فيني اقفل الغرفه تويق مثل الاطفال تحت الباب وتقولي كلمات لا استطيع البوح بها وتدخل اصابعها من تحت الباب وكل كلامها ضحك.

مسكتها ورجيتها ونفضتها نفض قلت اعقلي اركدي والله لا اتزوج عليك ان صرتي كذا والله انها تطق رقبه تقول المملوح ناوي يعرس ومااالوه اعرس ؟؟؟ وتقوم تهزز المشكله اطفالي مثلها عقلهم خفيف مافيه ثقل اببد ماكتبت مشكلتي الى اني موصله معااي للاخر.

امس بالشارع اسمع زعاق وصراااخ دخلت للبيت وش اشوف تضارب مع عيالها يجلدونها وتجلدهم وانا مستغرب صرخت عليهم ويطالعوني ويضمون بعض ويبوسون بعض ويقولون وش جابك ؟؟ حنا نلعب

اذا كان فيه استراحه وجمعه مع الاهل تركض مع الاطفال ومعها احتياطها ملابسها على طول للمسبح ماتجلس مع الحريم الى قليل مع اني اشوفهم يترجونها يقولون بعديين تعالي معنا وهي مالمك احد طبعا اهلي يحبونها.

انا شكيت ان فيها مس من الجن ماهي طبيعيه اببد تصحى من النوم ترقص تقلب من نومها تهز كلمت امها وصارحتها قلت بنتك يبي لها قران لازم نوديها شيخ جت امها وودتها لشيخ ويقول الشيخ البنت مافيها شي المشكله امها تهاوشها بالسياره تقولها ليش تقولين لشيخ لا تتفل علي ؟ يوم طالعتها صرخت وقالت خله يتفل عليك كانك تبي تفاله قلت وعدنا البيت.

العام قلت ابحج واخليها تحج معي ان شالله تعقل وتركد وش سوت بالطواف مع الزحمه الشديده استرخت على امرأه بدينه جدا تقول خلها تدفني واحاول اسحبها ماقدرت الزحام شديد وهي مبسوطه وتقولي يا سلام يدفوني رجليني ماهي في الارض صرت طويله وناااسه قلت لها احتسبي الاجر وتلتفت على المرأه وتقولها هييه وين وصلنا اي شوط احيانا غصب علي اضحك.

عند ركوب الباص لذهاب الى الحرم مالقيتها ادورها مالقيتها اكلم النساء في الحمله غير موجوده نهائيا كلمت بعض الاخوان ندورها وين لقيتها ؟؟؟ تنظم العالم الي ضايع تقوله تعال هنا والي يدور باصه توديه للباص مسويه مرشده الحمله ؟ سحبتها مع رقبتها وانا اسحب وهي توصف تقول وش فيك ابي اجر وخر.

كلمت والدتي تتفاهم معها تقولي ابصارحك بشي صح انه غلط تصرفاتها لكن لو فيني هموم النيا زوجتك اذا دخلت علي نسيت كل همومي قلت طيب انا ابتزوج ابي وحده عاقله قالت بكيفك لكن زوجتك ماتطلقها طبعا الوالده تحبهاحبا جما ودايم تناديها عندها.

قبل شهرين رحت لمكه مع والدتي وزوجتي حطيتهم في التوسعه رجعت لقيت زوجتي ما انتبهت لي ماسكه وحده افغانيه وقاعده تتكلم معها جيت شوي شوي واسمعها تقولها شفتي الدنيا يوم لك ويوم عليك وتقص لها قصص والافغانيه ماتعرف عربي تهز راسها وهي ماتدري وزوجتي مواصله تشكي لها قلت لزوجتي وش تتكلمين معها ماتعرف عربي قالت ابد صارت صديقتي.

وانا نصحتها وهاوشتها وكلمتها وضربتها لكن مافيه فااايده شلون تعقل وتتفهم والله ثم والله تعبت ابي حل وافكر جديا بالزواج !

انتهت القصة .. ما رأيك ؟

مقالات ذات صله

6 تعليقات

  1. رجل الظل
    17 يناير، 2016 في 12:18 م - إضافة رد

    الله يحفظها لك و يحفظك لها و يارب يرزقني وحده زي زوجتك

    قيّم: Thumb up 5 Thumb down 0

  2. خالد
    17 يناير، 2016 في 10:15 م - إضافة رد

    السلام عليكم اخي العزيز اول شي الصبر وانا اخوك يبدو لي من خلال شرحك لحالتها ان مخها توقف عند سن معين من مراحل الطفوله انصحك ان تذهب بها الى طبيب مخ واعصاب واسل الله ان يشفيها .

    قيّم: Thumb up 2 Thumb down 0

  3. reema
    17 يناير، 2016 في 11:07 م - إضافة رد

    الا الله يعينك ويعظم اجرك
    كل شي له حد اذا زاد عنه مصخ
    أحتسب الاجر وفكر جديا بالزواج البيت رتحه مو كرنفال 24 ساعه

    قيّم: Thumb up 1 Thumb down 1

  4. Moon
    18 يناير، 2016 في 8:31 ص - إضافة رد

    عرفني عليهاا تجنن ???
    ذي الي فاهمهه الدنياا مو هموم ومشاكل??

    قيّم: Thumb up 1 Thumb down 0

  5. تشبهني بنسبه 60بالميه
    18 يناير، 2016 في 5:04 م - إضافة رد

    شخصيتها حلوه بزياده انا مثلها في حاجات عمري مااحس اني كبرت مو مرض بالعكس حب المزح واللعب بس عني انا تغيرت وامسك نفسي كثير لان زوجي مايتقبل المزح الكثير واحس من يوم بديت احول شخصيتي للثقل سرت كئيبه بس لاتجمعت من الحريم افك كل اللي في راسي عايشه شخصيتين متناقضيتين عند زوجي كأبه ومااخذ راحتي وعند الحريم فله وضحك يازين الوحده تاخذ راحتخا في بيتها

    قيّم: Thumb up 3 Thumb down 0

  6. صادق
    8 فبراير، 2016 في 5:29 م - إضافة رد

    السلام عليكم
    زوجتك هذا طبعها خفيفه وهذي شخصيتها ..
    صحيح كثير احيان مايكون وقته لكن اذا شفتها مركزه على شي غير الموضوع الى موضوع جدي .
    وخلها تقرأ قرآن كثير وشغله بالبيت كثير
    قال تعالى ( ألا بذكر الله تطمئن القلوب )
    الضرب انا مو معك فيه .. عاقبها بعيد عن العنف
    امك طالما تحبها لا تطلقها .. ماحبتها الا لطيبة قلبها
    اسأل الله ان يهديها

    قيّم: Thumb up 1 Thumb down 0